Mu gihugu cy’abaturanyi cya Repubulika Iharanira Demokarasi ya Congo, hongeye kugaragara icyorezo cya Ebola, aho mu kwezi kumwe batanu bamaze kucyandura mu gihe kimaze guhitana abagera kuri batanu.
Inzego z’ubuyobozi muri iki gihugu zatangaje ko Ebola yongeye kugaragara ku wa 8 Ukwakira 2021. Kuva iki gihe imaze kwandurwa n’abantu batanu mu gihe yahitanye batatu.
Mu bo bivugwa ko baheruka guhitanwa nayo harimo umugabo w’imyaka 36 wari utuye mu gace ka Kasabinyole muri Beni witabye Imana ku wa Mbere tariki 18 Ukwakira 2021 ndetse ahita ashyingurwa.
Kugeza ubu Ishami ry’Umuryango w’Abibumbye ryita ku Buzima ryatangije ibikorwa byo gukingira iki cyorezo muri RDC.
Kuva mu 2018 nibwo Repubulika Iharanira Demokarasi ya Congo yatangiye kwibasirwa na Ebola, aho kuva muri uwo mwaka kugeza mu 2020 yari imaze guhitana abarenga 2000 mu gihe abayanduye nabo barenga 3000.
Iki cyorezo cya Ebola cyongeye kugaragara muri Repubulika Iharanira Demokarasi ya Congo nyuma y’aho muri Gicurasi uyu mwaka wa 2021, Minisiteri y’Ubuzima yari yatangaje ko yabashije kugihashya.
NIKUZE NKUSI Diane
